Breaking
ब्रेकिंग

उपवर्गीकरणाच्या निषेधार्थ कोपरगावात हजारोंचा विराट मोर्चा ….

0 1 1 9 0 6

उपवर्गीकरणाच्या निषेधार्थ कोपरगावात हजारोंचा विराट मोर्चा ….

कोपरगाव, दि. ३ ऑगस्ट : अनुसूचित जातींच्या उपवर्गीकरणाच्या निर्णयाच्या विरोधात सकल आंबेडकरी समाजाच्या पुढाकाराने तसेच रिपब्लिकन पार्टी ऑफ इंडिया, भारतीय बौद्ध महासभा, समता सैनिक दल आणि वंचित बहुजन आघाडी यांच्या संयुक्त विद्यमाने सोमवारी कोपरगावात सरकारच्या निषेधार्थ भव्य मोर्चाचे आयोजन करण्यात आले.


डॉ. बाबासाहेब आंबेडकर मैदान येथून या मोर्चास प्रारंभ झाला. शहरातील प्रमुख मार्गांवरून काढण्यात आलेल्या या मोर्चात विविध राजकीय पक्षांचे कार्यकर्ते, भीम अनुयायी, सामाजिक संघटनांचे पदाधिकारी, महिला, युवक तसेच नागरिक मोठ्या संख्येने सहभागी झाले होते.


मोर्चादरम्यान “जय भीम”, “संविधान बचाव”, “उपवर्गीकरण रद्द करा” अशा जोरदार घोषणांनी परिसर दुमदुमून गेला. आंदोलकांनी अनुसूचित जातींच्या उपवर्गीकरणाचा निर्णय मागे घेण्याची मागणी करत सरकारविरोधात तीव्र निषेध व्यक्त केला.


मोर्चाच्या शेवटी संबंधित प्रशासनाला मागण्यांचे निवेदन सादर करण्यात आले. यावेळी उपस्थित नेत्यांनी संविधानाने दिलेल्या समान हक्कांचे संरक्षण करण्यासाठी एकजुटीने संघर्ष सुरू ठेवण्याचा निर्धार व्यक्त केला.

संपूर्ण मोर्चादरम्यान शांततेत आणि शिस्तबद्ध वातावरणात आंदोलन पार पडले.

बातमी बद्दल आपला अभिप्राय नोंदवा

साईज्योत न्यूज

बातमी शेअर करण्यासाठी येथे क्लिक करा
0 1 1 9 0 6

Related Articles

Leave a Reply

Your email address will not be published. Required fields are marked *

Back to top button
Translate »
बातमी कॉपी करणे हा कायद्याने गुन्हा आहे